Derwêş: Helwesta Îtîlafa Nîştimanî ya Sûriyê ne erênî ye

02 Şibat 2013

Li navanda Partiya Demokrat a Pêşverû ya Kurd li Sûriyê,  ya li bajarê Silêmaniyê Sekreterê Partiyê Ebdelhemîd Dewrêş pêşwaziya şandeke paye bilind ya Yekîtiya Nîştimanî ya Kurdistanê  kir, ku ji berpirsiyarê Desteya Kargêr ya Polîtboruya Yekîtiya Nîştimanî ya Kurdistanê Mele Bextiyar, endamê Encumena Rêvebir Dr. Xesro Gul Mihemed, berpirsiyarê Nivîsgeha Peywendiyên Derve Ebdelrezaq Feylî, Endamê Encumena Bilind ya Rêxistinî ya Nivîsgeha Rêxistinê Mihsên Ekber, siyasetvanê Kurd Yusuf Zozanî  û berpirsê Peywendiyên Kurdistanî Mehmud Hac Salêh pêk dihat.

Mele  bextiyar di serdana xwe de tekez li ser peywendiyên dîrokî yên ku her du partiyên  bira, Yekîtiya Nîştimanî ya Kurdistanê û Partiya Demokrat a Pêşverû ya Kurd li Sûriyê bi hev re girêdidin, kir. Her wiha  diyar kir  ku pêwîst e di vê demê de,  yek rêziya Kurd bê parastin û di heman demê de Encumena  Nîştimanî ya Kurd dilgel Desteya Bilind ya Kurd bê aktîv kirin. Ji aliyê xwe ve Ebdelhemîd Derwêş di hevdîtinê de pêşketinên di dema dawî de, yên  di qada  netewî û bi teybetî di derbarê rewşa Kurdî de nirxand û helwesta ne erênî  ya Îtîlafa Nîştimanî ya Sûriyê ji doza Kurd re  destnişan kir. Wekî din xebatên û tevgerên ku ji aliya Partiya Demokrat a Pêşverû ve ligel aliyên din yên Kurd li darketin e jî anî ziman, bi  teybet xebatên ku li bajarê Serêkaniyê û devera Rêmêlanê rû dane nirxand.

Her wiha  di civînê de gelek mijarên ku her du aliyan têkildar dikin hat gotubêj kirin.

PUKmedia