Şemal Amedî: Hejmara Zerduştîyan kêm dibe

Li gora xeberên hin çapemenîyên Amerîkayê, Zerduştîyên ku her ku diçe hejmara wan kêmtir dibe, li Amerîka, li Evanstona nêzîkî bajarê Şîkagoyê dixwazin xwe li ser lingan bihêlin û xwe biparêzin. Dînê Zerduştî di sedsala heftem (7.) de ji alî zordestîya îslama Erebî ve hat parçekirin û Zerduştî li gellek welatên dinyayê koçber bûn.
Li gor tê gotin niha halîhazir tenê li Evanstona Amerîkayê „Perestgeha Zerduşt“ heye û ev perestgeh ji Zeduştîyên dinyayê re dive wek navendekê. Tê gotin ku li seranserê cîhanê hejmara Zerduştîyan di navbera 20-50 hezarî de ye. Li Amerîkayê 11 hezar, li Kanadayê 6, li Brîtanyayê 5, li Avistralyayê 3 û li welatên din jî texmînen 6 hezar Zerduştî dijîn. Dîroka Zerduştîyê zêdeyî 3 hezar salî ye û Zerduşt Pêxember bi xwe Kurd e.
Welhasilî kelam, ji berê de gotine „hinek dikin û hinek dixwin“ bavê min! Kurdistan dergûşa şaristanîya cîhanê ye, heyvanê insanetîyê ye, lê mixabin Kurd bi xwe ji vê şaristanîyê bêpar hatiye hiştin. De dinya wilo namîne loo…Xwedê Kerîm û Rehîm e, helbet wê rojekê çerxa dinyayê berê xwe bide Kurdan jî..De a bi xêr…

ji lotikxane