Rêxistina Almaniya ya partiya me bi coşek mezin tevlî xwepêşandana Köln bûn

Komek mezin ji heval û dostên partiya pêşverû li Almaniya tevlî xwepêşandana Köln bûn , di pêşiya wande mamoste Selman Hiso endamê desteya karker ya pîlotbîro û Hesen Seyfedîn endamê komîta rawêjkarî ya komîta navendî û Birûsk Necar berpirsê şaxê Ewropa  û Mecîd Arebo berpisê rêxistina Almaniya û Şêrzad Omer , Dijwar Berekat, Serdar Omer , Dara Necar û Ferhad Mîro endamên komîta rêveber ya rêxistina Almaniya.

Ev xwepêşandan hat darxistin bi helkefta sedsaliya peymana Seyks – pîko ya ku di encam de Kurdistan hat perçekirin û kurd bê mafên netewî man û her berdewam dike heta dema Îro , lewma komîta rêveber insiyatîvek di bin navê (( ji bo rojek serbixwe )) ragihand , emjî weke rêxistina pêşverû li Almaniya me piştevanî û alîkariya xwe pêşkîşî însiyatîvê kir û her weha mamoste Hemîd Hac Derwîş sekreterê Partiya Dîmoqrat Pêşverû Kurd li Sûriya  daxuyaniyek bi navê xwe belvkir li ser malpera dîmoqratî. info , û her weha me radestî mamoste Akif Hesen Kir, di daxuyaniya xwede berêz hemîd  piştevaniya xwe da nîşandan û peymana Seyks- Pîko şermeyarkir û hêviya serkeftinê ji însiyatîvê û berpirsên wê re xwest .

Bi giştî xwepêşandan bi tevlîbûnek mezin ji revenda kurdî li dervayî welat û bi beşdarbûna komek mezin ji honermendên kurd bi saz û awazên xwe yên netewî û kultorî kurd hat qedandin . Tevlî hinek kêmasiyên rêveberiya xwepêşandanê em sipasiya komîta rêveber dikin ku bîr û hişê raya giştî ya kurdistanî û navnetewî  kişand li ser peymana Seyks-pîko piştî sed sal li sere bihorî .

Komîta ragihandinê ya rêxistina Almaniya ya partiya Dîmoqrat Pêşverû kurd li Sûriya

15.05.2016