موقع الديمقراطي Malpera Dîmoqratî
Di çardehê cehzerana sala 1957an de hejmarek ji têkoşerên kurd yekem rêxistina rêzanî ya kurdî li Kurdistana Sûriyê damezrandin bi navê Partiya Kurdên Demoqratên Sûrî ji bo rêbertiya cemawerê gelê kurd û berevaniyê di ber doza netewî ya kurdî de li Kurdistana Sûriyê bike û xewin û hêviyên gelê kurd di welatekî Azad de pêk bîne, Lê piştî demeke kurt ji damezrandina partiya me yekîtî di navber herdu welatan Sûriyê û Misirê de çêbû wê demê dest bi girtina xebatkarên siyasî kirin û di wê demê de hêzên istixbaratên sûrî hemî heval û dost û kadirên partiya me girtin û hevalekî me nema û zordarî nedît ji lêxistin,kehreba û kotek û işkenceyên hovane li ser destê wan xwînmijan dîtin, Lê vîna miletê kurd û Hişmendiya rêbaza partiya me ji hêz û çavsoriya wan celadan bi hêztir bû, Lewre di sala 1960 de serkirdayetiya partiya me biryarek stand bi vêxistina agirê Newrozê li sêsid û şêst gundî kurdaxê da ku neyarên gelê kurd zanibin ku kurd û tevgera netewî ya kurdî ne tenê li Cizîrê ye lê belê ji wê zêdetir li Kurdaxê ye jî, Ji wê rojê de û heya roja îro partiya me rastî gelek astengiyan hatiye çi ji aliyê rêjîmê û siyaseta wê ya tunekirinê ya li dijî xaka kurdî û hebûna gelê me û çi ji aliyê nezantiya civaka me di wê demê de û bi taybetî kesên ku di bin bandora olî û paşdamanê de mabûn wan kesan bi tundî şerê partiya me û mafên gelê xwe dikirin.
Lê piştî 58 salan ji damezrandina partiya me û tevî dijwariyên xebatê partiya me xebat û berxwedanek bê hempa kiriye di parastina xaka kurdî û hebûna miletê xwe de û ma pabend bi rêbaza xwe ya netewî di piştgiriya tevgera me ya azadîxwaz li Kurdistana Turkiyê û Iraq û îranê de, û îro jî bi vîna gelê xwe di xebata xwe de berdewam e û Tekoşîna xwe di ber berevaniya doza kurdî li Kurdistana Sûriyê dike û herwiha bi rolekî bingehîn radibe di gel patiyên kurdî yên bira di E.N .K .S ê û di nav rikberiya Sûrî de û partiya pêşverû rolekî girîng dilîze di xêzkirina siyaseta kurdî de di nav tervgera Azadîxwaza Kurdistanê de.
Bi hatina vê roja pîroz Ez germtirîn silavan li serkirde û Heval û Dost û Xebatkarên Partiya me dikim û cejina tevahî gelê Kurd pîroz dikim û Hawara xwe dighînim hemî rewşenbîrên me kesên Partîzan û Serbixwe û bi taybetî Hawara min ji ciwanên kurd re ye ku dest ji Axa welêt bernedin û bi çandeke Nû xebata xwe bikin,Pîvana xebata me kurdayetî be ne berjewendiyên Partîtî bin da ku di zûtirîn dem de em bigihên mafên xwe yên netewî di welatekî Azad û Demoqrat de.
Bijî bîranîna 58 saliya damezrandina P.D.P.K.S
Sed silav li giyanê Hişmendê rêbaza partiya Pêşverû ji Dr. Nûreddîn ZaZa re
Sed silav li giyanê hevalên damezrenêr û Pakrewanên Partiya me
Mirin ji neyarên gelê Kurd re
serkeftin ji doza Kurdî re
Hişmend Şêxo
14 / 6 / 2015
Efrîn
