NEWAF KOçER : TU LI çI DIGERî

                                                       

                                       Tu li çi digerî 

……..Li navekî

…….avekê

yan tu têr nebûyî

tu digerî

li davekê

Hezar , hezar

dîrokên şilbûyî

ji xwîna te

têr nebûne

hîn xwe ziwa dibînin

peyalên xwîna te

lihev dixînin

gul û stiriyên te

ji hev cuda nabin

perwerî û xiniziya te cêwîne

di rojên têr xwîn de hatîne

tu dixwazî

peyala jînê

di nav kêlên mirinê de

bigerînî

herçar demsala

di rojekê de

bicivînî

Tu li çi digerî 

Hîn tu

ji keviyên xewna

hêviyan didizî

ji havineke têr serma

dilerizî

hîn dilê te

Li ser tava te

dikizkize

Tu li çi digerî ?

Li hespê bê siwar

karwanê mirina zilindar

yan li rondikeke bê war

Hîn şûrê MENSûR

ji derveyî kalane

dilopên xwîna te

li ser nîşane

para te tenê   

……..rewrewke

……leylane

Tu li çi digerî 

NEWAF KOçER