“ JI WE EZ DIL GIRANIM “

Xemgînim ez ji derdê we li vê rê
Rê dibirin qet naghêne ser pirê

Pire vaye bo berî dane reşî
Piştî ku dem hate bo me ser sirê

Li hev nakin ji bo razîkirne kê
kî dikanê bighînê hev navbirê

Kurdewarî dirişme dûre ji doz
Dûrî armanc, ketne bi derdê ferê

Armanc çîye, ku bi hev nekne bawer
Bi yek rêzî negerînin vê gêrê

Dijmin li we rê digrê bi destê we
Bi zikreşî li şerê we dinêrê

Bav û bira, ap û pismam li dij hev
Ji xwe`r neyar arvanê we dihêrê

Duber bûne rêz û hêza me`y giran
Şûnî berjor berî dane vê jêrê

Cerg û hinav li me pûç kirin bê sûd
Dil û kezeb bo kê didne ber kêrê

Tev dizanin, dem hatî bo me kurdan
Ronî daye, rê dighê ser wê pirê

Piştî pirê, azadî û felat tê
Çima hûn tev pif dikine vê çirê

Pir ji we ez dil giran dil bi êşim
Eger nebne yekrêz li ser vê berê
——————————————-
EHMED QASIM