Hevdîtina hevalên rêxistina Elmanya ya partiya me bi rêzdar Mesûd Tek re

Bi helkeftina vegera sibe ya sekretêrê giştî yê partiya sosyalista Kurdistana Tirkiyê rêzdar Mesûd Tek li Kurdistanê û Tirkiyê, Îro danê nîvro hejmarek ji hevalên rêxistina Elmanya ya partiya me, di pêşiya wan de endamê nivîsgeha rêzanî birêz Selmanê Heso û heval Mecîdê Mihemed, Serdarê Imer, Darayê Necêr û Mistefayê Tewfîq li bajarê Wuppertalê serdana wî kirin.

Di vê hevdîtinê de hevala ev vegera wî li Kurdistanê û Tirkiyê ya ku sibe şemiyê di17.10.2015 a de ye pîroz kirin, herweha ji wî û hemû hevalên partiya bira ya sosyalista Kurdistanê re serkeftin û berxwedarî xwestin.

Ji aliyê xwe ve birêz Mesûd Tek di vê hevdîtinê de sipasiya hevalên me kir, û piştî sîh û şeş salan li sirgonê geşbîn bû li ser vê vegera xwe li welat, ku karibin di demên pêş de kar û xebateke baştir ji gelê xwe û hemû pêkhatiyên Tirkyeyê re bikin.

Di dawiya vê hevdîtinê de hevala xatir jê xwest û hêvî kirin ku ew sibe bi xweşî bighêje nav milet û welatê xwe.

Rêxistina Elmanya ya partiya dîmoqrata pêşverûya Kurd li Sûriyê

16.10.2015