موقع الديمقراطي Malpera Dîmoqratî
Hebû tunebû dilovanî li dê û bavê min û we bû.
Hebû miletek di sedsala duwazdan de bi êrîşkirin û talankirin ji Asiya navîn hatin- û hêdî hêdî Kurdistan û Yewnanistan dagirkirin.
Di wê demê de sermayedaran li rojava û rojhilata navîn piştgirî didan van Toraniya û ji hêzeke biçûk ew kirin şahinşahiyeke mezin û navê wê kirin” Şahinşahiya Osmanî.”
Di bin fermana leşker û çeteyên vê şahinşahiyê de şerê Kurda, Farisa, Ermeniya û Yewnaniyan dihate kirin. Herweha êrîşî beja Ewropayê û Efrîqyayê jî dikirin.
Ev welat tev de wêran dikirin- û zana û qehremanên wan digirtin û datanîn ser xazoqan.
Piştî dewleta Birîtaniya û Firensa û Urûs bi alîkariya miletên rojhilata navîn dawiya vê şahinşahiyê û berpirsên wê anîn û pirên wan danîn ser xazoqan; dewletek ji wan re li ser xaka Kurdistan û Yewnanistanê bi navê “Tirkyeyê” damezirandin.
Rêjîmên ev dewlet di destêd wan de bûn- û ta niha neviyên şahinşahiya Osmanî ne, ew û çeteyên xwe ji roja roj de berî sedsalî dest bi êrîş û talan û dagirkirina milet û dewletan dikin, zana û qehremanên van miletan winda dikin û pirên wan datînin ser xazoqan.
Vê carê dewletên mezin yên sermayedariya cîhanê dikin, çend salên din jî ji vê dewleta Tirk re danîne- bo dawiya wê bînin û mîna şahinşahiya wan ya berê biherifînin- û berpirs û çeteyên wan careke din deynin ser xazoqan. Ev jî yasaya xwezayê ye.
Çîroka min ji we re xweş û riwê dijminên me û çeteyên wan bimîne reş.
Bawere-Omeri@hotmail.com
23.04.2019z – 2631k
