موقع الديمقراطي Malpera Dîmoqratî
Komîta navendî ya partiya Dîmoqrat Pêşverû Kurd li Sûrya civata xwe ya asayî darxist di 23 – 24 .01.2015 de ,
di lîsta karê civatêde komek ji mijarên siyasî û rêxistinî hebûn .
Di warê siyasî de , guftûgo li ser rewşa siyasî li welat hat kirin piştî ku kirîza Sûrî bihtir ber bi aloziyê diçe û rê li pêşiya asoyên çareserkirinê hatine girtin û piştî bilavbûn û pirbûna tirorê li welat de
, komîta navendî tekez li ser wê kir ,
ku di bin seha berdewamiya kirîzê û kiryarên leşkerî navbera rijime
û rikberiya çekdar de , û bi egera serhişkiya ricîmê û bijartina wê ji çara ewlekarî û leşkerî , weke çareyek tenha jibû çareserkirinê ,
ew bû egerê pêşketina terorê di welate de
, lewma jî pêdiviye hemû hêz û çalakiyên civata Sûrî bi alîkariya civata navnetewî li himber rawestin .
Komîta navendî amje bi wê kir , ku çara siyasî tene heye jibû kirîza Sûrî
, di vê mijarê de amje bi wê kir ku pêwîste hemû karûbar bikevin di bin
yekkirina rêzên rikberiyê , û darxistina kongirek niştimanî , hem rijîm û hem hêzên rikberiyê li ser bingehê beyannama Cinêfa yekem û diwem amadebibin ,
daku çareyek ji tevaya kêşeyên welat re bibînin û di navde doza Kurdî .
Lê ser asta Kurdî , komîta navendî tekezî li ser wê kir ku rewşa zehmet ya ku navçên Kurdî têde derbas dibe , bi egera tapûna tund li ser wan navçan û êrîşên hovane ên DAIŞ bi taybet li ser Kobana giranbune û metirsiya li ser hebûna netewî ya kurd , tê xwestin ji kurdan bi yek helwest û yek rêz xwe bidin pêş ,
di vê der bare de , civatê daxwaza lezkirinê kir , jibû cî bi cîkirina Lêvegera Siyasî ,û rakirina astengiyên ku dikevin li pêşiya karêwe de .
Ji alîkî din ve komîta navendî amaje bi pêwîstiya rêkûpêkirina rewşa hundirî ya ENKs ê kir , bi riya darxistina kongirya siyemîn di dema xwe de , bi mîkanîzmên nû .
Jibû xurtkirina rola siysî û cemawerî ya partiyê , civatê bi dirêjahî li ser insiyatîva çend heval û kadirên partiyê ji dervayî rêxistinê rawestiyan , ên ku daxwaza yekkirina rêzên partiyê bi van biraderan re ( partiya wekhevî , partiya niştimanî dîmoqratî , tevgera çaksazî ) ,
di vê derbarê de komîta navendî ev insiyatîv bi erînî nerxand û amedebûna xwe bi temamî da nîşandan , daku hêvî û daxwazin hevalên partiyê û heval û cemawerên wê di yekîtiyê de bicî bibin ,
her weha di vî warî de daxwaz ji hevalên ku ji dev rêzên partiya xwe berdane bi egerên rengereng , vegerin nav rêzên wê .
Komîta navendî biryarek stand jibû lezkirina darxistina kongira çardemîn ya partiyê di zûtirîn dem de ,
her weha komîta navnedî rewşa rêxistinî û ragihandê û cemawerî ya partiyê guftûgo kirin û komek ji biryaran û şîret hatin birîn ên ku karê partiyê pêşvebibe .
Qmişlo
24.01.2015
Komîta navendî ya PDPKS
